شرح عمل صوره اقتباس

س : لو سمحت عايز اعمل صورة زي دي ؟؟ ازاي اقدر اظهر سطر من الصفحة واخفي الباقي ؟؟
ج : صلي علي النبي
– عليه الصلاة والسلام .
– بس كده الموضوع اسهل مما تتخيل .. ركز معايا بس دقيقتين .
الموضوع ده في برامج كتير وطرق متتعده ليه .. في البداية بس دي خاصية اسمها blur .. بالعربي كده تشويش الصورة .. انك تظهر جزأ وتشوش الباقي .. حتي لو تلاحظ في الافلام .. اوقات كده لما البطل يكون مخاصم البطلة ويجوا يتصالحوا وكل واحد فيهم هيقول جملة .. ف المخرج لما واحد فيهم يتكلم يظهر وشه بس ويشوش علي باقي الصورة فانت تركز معاه ..
في برامج متخصصة في الحكاية دي .. وفي برامج تعديل صور من ضمن خدماتها انك بتقدر تعمل blur للصورة …
بس عشان انت حبيبي انا مش عاوز اتعبك واقلك حمل البرنامج ده من هنا وبعدين اعمل وروح وتعالي وفي الاخر تعملي بلوك من الزهق
في موقع كده لتيف وكيوت بتقدر من خلاله تعمل الحكاية دي اونلاين . . من غير ما تتعب نفسك وتحمل اي حاجه
الموقع اهو
http://www.fotor.com/
الشرح بقي .. هما خطوتين بس متقلقش
افتح الموقع .. هتلاقيه فتحلك صورة جميلة وبيقلك نورت هتلاقي علي اليمين كلمة edit photo دوس عليها ..
هيفتحلك الكمبيوتر عندك . اختار الصورة اللي انت عاوز تعدل عليها
هتلاقيه جابلك الصورة وعلي الجنب شريط ادوات .. تمام كده
فوق الصورة هتلاقي خمس كلمات بالانجليزي .. اختار منهم كلمة beauty
بعدين علي شمال الصورة اختار كلمة warinkles
وبعدين روح علي الصورة ظلل اللي انت مش عاوزه يظهر وبوظ فيها براحتك
ولو حاسس ان الكلام ظاهر شوية يعني في حروف باينة ..
ممكن تزود درجة التظليل من years recoverd هتلاقيها موجوده علي جنب بردو
وبعدين اعمل save .. وشكرا علي كده
والموقع في خواص تاني كتير ممكن تبقي تقلب فيها علي رواقه كده
_______
طيب : لو عايز صور لاقتباسات من الكتب زي اللي في الصورة دي مثلا ؟؟؟
_ في كذا صفحة علي الفيس بينزلوا باستمرار اقتباسات بس دول افضل اتنين .. او اللي انا بحب اتابعهم
اقتناصات عدسة
https://www.facebook.com/Aqtnasat
اقرا معي
https://www.facebook.com/read.w.m
وفي كمان علي تمبلر (( موقع تواصل اجتماعي للي ميعرفهوش ))
في دي
http://booksquotations.tumblr.com/
هنا بعض صور كتب لذيذة
https://www.facebook.com/media/set/?set=a.332934446807088.56896.233606796739854&type=3
البوست ده فيه ازاي تاخد برينت سكرين
http://goo.gl/AYJEl3
دمتم بود
#الباحث_عن_الحكمة

اترك تعليقاً