تحديثين جداد للفيسبوك
#facebook هيغير في ال algorithm بتاعته الخاصة باللينكات الخارجية
الهدف الاساسي هو المحتوى الجيد
فيسبوك طبعا من اهم القنوات على السوشيال ميديا اللي بتجيب ترافيك للمواقع يعني لو انت عندك موقع او مدونة بتعمل شير للمحتوى بتاعك على الفيسبوك عشان يجيلك ترافيك
فالسيد مارك قرر بعد ما جاله Negative feedback بخصوص اللينكات ال spam او اللينكات اللي بيتم نشرها وهي بعيدة عن اهتمامات المستخدمين قرر ان نسبة ظهور اللينكات الخارجية دي هتقل او تزيد بناءا على عدة معايير بتوضح ان فعلا المحتوى ده جيد ويستحق انه يظهر للناس (عايش دور جوجل يعني ) وده في حد ذاته شيء كويس طبعا بالنسبة للي بيعمل محتوى كويس وخراب ودمار للي بيعمل محتوى اي كلام
طيب اية هي المعايير دي بقى
من اهم المعايير
العناوين اللي تجذب الUser انه يدخل يقرأ المقال ويكون لها علاقة باهتماماته
وده بناءا على استقصاء تم عمله وسؤال الناس فكان 80% من الناس قالت انها بتقرر تكمل قراءة للموضوع او المقالة بناءا على العنوان الاصلي للموضوع قبل ما تقرر تعمل click
وطبعا مدة تواجد المستخدم او User اللي هيضغط على اللينك المنشور على الفيسبوك بعد ما يروح للموقع هيفضل في الموقع قد اية وهل هيرجع للفيسبوك بسرعة ولا لا لو رجع بسرعة للفيسبوك يبقى المحتوى اي كلام فهيقل ظهورة على News Feed بتاعتك اما لو كويس فهيعزز انه يظهر
كمان من ضمن المعايير اللايك والكومنت والشير طبعا ده بيوضح ان المحتوى ده بيقدم قيمة حقيقية
اما التحديث التاني : فهو في شكل اللينك لقيوا ان ناس كتير بتفضل انها تضغط على اللينك لما يكون موجود لينك ومعاه عنوان كويس وكلمتين عن المحتوى غير اللي بيحط اللينك ومعاه صورة لأن اللي بيحط اللينك بس من غير صورة بيظهر جزء من اول المقالة وده بيشجع اكتر على قراءة الموضوع كمان بيكون افضل للي بيستخدموا فيسبوك من الموبايل
وطبعا اللي سبقهم في استيعاب النقطة دي كان جوجل بلس عامل انه يخلي لكل حاجة التاب الخاصة بيها يعني تاب للينك ، تاب للصورة ، تاب للفيديو يعني بتحدد نوع البوست في الاول هل هو صورة ، نص ، فيديو ، لينك
الخلاصة : لو ناوي تحط لينكات خارجية لموقعك على الفيسبوك لازم يكون المحتوى جيد ويستحق الشير ويكون بيقدم قيمة ومعلومة تفيد المستخدم بلاش الكلمتين واجري زي ما بعض الجرايد بتعمل ، او استخدام عناوين وتدخل الموقع تلاقي محتوى تاني خالص
الكلام ده ملخص للي اعلنه الفيسبوك امبارح من هنا
https://newsroom.fb.com/news/2014/08/news-feed-fyi-click-baiting/
