الحفاظ علي بطاريه اللاب توب

بطاريه اللاب توب حاجه مهمه اوي في اللاب توب ناس كتير مش بتعرف تحافظ عليها
او بمعني تاني بتسي استخدامها من غير ماتعرف

عشان كده هنعرف ازاي نحافظ علي البطاريه بتاعتنا لاطول فتره ممكنه و احسن طريقه نشحن بيها و نشحنها امتي هل لما تفضي خالص و لا قبل ماتفضي بشويه طب لوكل مانشحنها بتشحن بس مش بتوصل للاخر نعمل ايه


في الاول كده قبل ما نبداء الكلام


 

 اي بطاريه لاب توب ليها عمر افتراضي او بمعني تاني عدد مرات شحن و تفريغ
بعدها بتبدا البطاريه عدد الساعات اللي بيتديهوللك لما تشحنها للاخر يقل

متوسط عدد الساعات بتاع البطاريات حاليا بيوصل
من ساعه و نص لغايه حوالي 3ساعات و نص

طيب بعد قد ايه تبدا تحس ان البطاريه بتاعتك بدات ماتديش عدد ساعات زي اللي كانت بتديه في الاول

1-بعد حوالي عدد مرات من الشحن بيوصل ل300-800
2- استخدام من 1-3 سنين علي حسب استخدمك ليها و نوعها


خدوا بقي شويه النصايح ديه

ناس كتير تقوللك استني لما البطاريه بتاعتك تفضي علي الاخر و بعدين اشحنها


 ده كلام غلط
الكلام ده بالنسبه للبطاريات القديمه لكن بطاريه الابتوبات الجديده 
 
 1- يفضل انك تشحنها لما تلاقيها وصلت 10-20 %


2- حاول دايما تشحن بطاريتك للاخر يعنيfully charged كده مش هتفضي بسرعه و بالتالي مش هتشحنها كل شويه و بالتالي هتقلل عدد مرات الشحن و التفريغ بتاعها

3- لو البطاريه مش راضيه تشحن معاك لغايه الاخر و بتوصل مثلا من  80%-90% يبقي انت محتاج تعملها calibration بمعني انك محتاج تفضيها خالص يعني تفضل تستخدم الاب  لغايه لما يفصل خالص  و بعد كده تشحنها هتلاقيها وصلت معاك لغايه الاخر يفضل انك تعملها calibration كل شهر مره او كل خمسين مره شحن و تفريغ

نصائح عن طرق تخزين البطاربه

 

طيب لو انا هاستخدم الابتوب بتاعي في البيت و هاوصله علي الكهرباء
اعمل ايه ؟

1- لازم تشيل البطاريه من الاب و انت بتستخدمه علي الكهربا لانك لو مشلتهاش هي هتفضل تشحن
حتي لو وصلت 100%
هتفضي و تشحن برده و بكده انت بتخسر عدد مرات شحن و تفريغ علي الفاضي

طب لما نشيلها ازاي برده نحافظ عليها

1-يفضل انها تكون مشحونه من 30-50 %
قبل ماتشيلها مش اكتر و لا اقل

2-المكان الي تحطها فيه لازم تكون درجه حرارته من
20 ل25
درجه مئويه

3-يفضل انك ماتركنهاش فتره طويله يعني كل اسبوعين اشحنها و اسنخدمها

دلوقتي احنا عرفنا ازاي نشحن البطاريه و لو عايزين نخزمها نعمل ايه طب
نجي بقه للسوال الاهم

ازاي اخلي البطاريه تشتغل اطول عدد من الساعات ؟

كل الفكره في الموضوع ده
انك هتحاول علي قد ماتقدر ماتسحبش بور اوي من البطاريه و انت بتستخدمها
طب ازاي

1- حاول علي قد ماتقدر تغمق الشاشه او بمعني تاني تقلل
brightness

2-تقليل عدد البرامج اللي شغاله في عالطول اللي موجوده قي ال
task bar

3- ماتشغلش كذا برنامج مع بعض حاول تشغل اللي انت عايزه و بس يعني مثلا لو انت كنت فاتح
ويب بروسر و بعدين قررت انك تشتغل شويه علي الورد اقفل الويب بروسر لانه
بيبقي محمل علي الرامات و باتالي بيسحب من البطاريهو نفس الكلام ينطبق علي نقططه 2

4-ماتستخدمش
external devices

علي قد ماتقدر يعني مثلا حاول تستخدم
touchpad
بدل الماوس
لو موصل فلاشه او هارد ديسك خارجي بمجرد ماتخلص شيله

5-ماتتخدمش
cd rom
كتير بمعني انك متلغبش لعبه من علييها لا يفضل انك تنزلها عندك علي الكمبيوتر و اعملها برن باي برنامج
و العب من الهارد ديسك
وبرده بمجرد مخلاص مش محتاج السي دي طلعه منها


6- كل مايكون المكان اللي بتستخدم فيه الاب ابرد كل مايكون احسن لان ده بيقلل من درجه حراره البطاريه

اخيرا لو انت ناوي تطفي الاب لفتره قصيره يفضل انك تعمل
hibernate
مش
stand by

 

 لان
hibernate

بيطفي الاب بمعني ان مفيش استهلااك خالص للبطاريه
لكن
stand by

 

 ده بيقلل الاستهلااك لاقل حاجه ممكنه

اترك تعليقاً

Main Menu